Confinadas e confinados: así imos pasar este Entroido tan atípico, unhas festas de “andar pola casa” e no que se trata de manter vivo o espírito e a ilusión nunha das datas máis significativas do calendario da comarca e de
todo o país.
Trasladar a celebración e o seu significado aos rapaces e os nenos é sen dúbida a idea dos concellos que grazas á Rede tentarán mantelo vivo convidando á xente a disfrazarse.
Obradoiros de conciliación, certames de máscaras, Entroido online, concursos de fotografía, propostas polas redes sociais… e sen esquecer
as actividades que xa desde hai días teñen lugar en moitos colexios da comarca. De todo iso e moito mais falamos nas páxinas da nosa edición mensual de O Barbanza que chega o número 18 e que se reparte de balde en todos los concellos da comarca e pódese ler ou descargar en pdf tamén de balde.
Neste número pasamos revista a este Entroido tan atípico, e ós actos que organizan os concellos. A gastronomía desta época, a literatura da man da obra de Ignacio Lens, os emprendementos da comarca, o cine con Paula Iglesias, novas dos concellos e moitas mais cousas, completan os contidos deste número de “O Barbanza 18“.
O que si, nesta ocasión os ausentes serán o enterro da sardiña, os choqueiros, e a queima do Filipe, pero seguro que o seu espírito estará
presente en nós á espera de que, se todo vai ben, empece a mellorar a situación de pandemia e a vida volva rexurdir.
Seguimos en contacto a diario a través do noso diario dixital “obarbanza.gal” e as nosas redes sociais que mes a mes seguen a medrar
e na que xa somos máis de 36.000 usuarios únicos. Moitas grazas polo apoio.
