No Son, colleron impulso os traballos para acondicionar a igrexa de Miñortos e as corredoiras de Noal

O Concello de Porto compartiu a través das redes sociais novos traballos que se están a desenvolver para humanizar espazos urbanos e mellorar infraestruturas en materia de accesibilidade, estética e mobilidade. Este venres comunicou que avanzan a bo ritmo as obras para humanizar a contorna da igrexa de San Martiño de Miñortos, un importante elemento arquitectónico e relixioso do termo municipal.

Os traballos inclúen a remodelación estética e funcional do viario lindeiro e do adro, entre outras intervencións. A maiores, o Concello tamén compartiu as obras que está a realizar en Noal (coa limpeza pormenorizada das corredoiras de Cabanela, incluíndo baldeado e retirada de terra, verdello e mofo),