Investigado un veciño de Boiro por estafar 2.100 euros a unha coñecida


O Equipo de Estafas Telemáticas da Garda Civil investigou a un veciño de Boiro como presunto autor dun delito de estafa de máis de 2.100 euros a unha coñecida con retirada de efectivo da súa conta e outro de usurpación de estado civil.

Os feitos ocorreron por mor da denuncia interposta por unha veciña de Boiro nas dependencias da Garda Civil nesa localidade. A denunciante asegurou que se realizaron unha serie de transferencias desde a súa conta bancaria sen a súa autorización por un importe de 2.115 euro. Ademais, sinalou que constaba ao seu nome unha tarxeta bancaria que non solicitara nin estaba na súa poder, na cal se realizaron cargos por un valor de 146 euros.

No transcurso da investigación, os axentes corroboraron a existencia das transferencias e da tarxeta bancaria. A Garda Civil logrou a identificación do autor dos feitos que resultou ser un veciño da localidade, coñecido da vítima. O home segundo a Benemérita aproveitou esa circunstancia para solicitar os seus datos persoais e fixo uso deles para a realización das transferencias e a contratación da tarxeta bancaria.