No concello de Rianxo vénse de facer balance do volume de roupa recollido pola empresa Laboral Arroupa Santiago a través dos contedores (catro recipientes específicos de cor vermella que se suman, en Rianxo, aos acubillos doutra iniciativa de carácter solidaria: os de Equus Zebra) habilitados no termo municipal. En total, estamos a falar de 25.888 quilos acumulados para fins sociais.
O Concello lembra que se trata dunha iniciativa laboral de Cáritas Santiago e que, segundo as cifras que manexa a entidade social, este ano superáronse en 238 quilos o volume de prendas xuntado en 2019, co engadido de extra de terse liberado aos contedores orgánicos dun importante volume de tecidos que pode ter unha nova vida ou seren reciclados.
