Este mércores no pleno extraordinario de Boiro farase efectiva a renuncia da concelleira socialista Marisa Collazo, que abandona o posto por motivos persoais.
A titular das áreas de Política Social, Medio Ambiente e Turismo decidiu deixalo cargo porque lle era imposible compatibilizar as súas responsabilidades laborais e persoais coas súas obrigacións municipais.
O alcalde boirense, José Ramón Romero, agradeceu o importante esforzo realizado por Collazo nestes casi dous anos no equipo de goberno.
O departamento de Marisa Collazo pasará agora a ser dirixido por Raúl Treus, que ata o momento viña desempeñado os labores de secretario persoal do alcalde boirense. Desde o equipo de goberno decidiuse non facer ningún cambio nas concellerías, polo que asumirá as áreas de Política Social, Medio Ambiente e Turismo.
