Educación de Boiro estrea blog para o alumnado de todos os niveis

A Concellería de Educación de Boiro presentou este venres 5 un blog para informar periodicamente de todas as novidades sobre as medidas do Goberno local que atinxan ao alumnado de todos os niveis. Estamos a falar de www.educacionboiro.blogspot.com, espazo no que atoparemos todos os contidos de referencia para a comunidade educativa, isto é: servizos que empresta a administración local, formación propia que se imparte no Concello, cursos formativos de relevancia, amais de información de interese para o alumnado.

Cómpre engadir que o Concello de Boiro quer apoiar á educación e á formación para convertelos no alicerce do desenvolvemento social do municipio. Con este fin, o Goberno local recuperou o departamento de educación, dirixido pola concelleira María Outeiral, para pór en contacto a toda a comunidade educativa: centros de ensino, AMPAs, administracións… e traballar na mesma liña. Segundo palabras da concelleira de Educación: “Este blog é o resultado das demandas dos centros educativos e do alumnado, así como do traballo común entre o persoal municipal de educación, xuventude e formación”.