A pandemia da COVID-19 provocou que moitos establecementos locais se virán damnificados, polo que se converteron nun dos principais problemas da zona. O Concello de Boiro organiza un Programa de fomento ao comercio local para que tódolos interesados en participar vexan favorecido o consumo nos seus establecementos.
O Certame Fotográfico de Entroido 2021 será a primeira iniciativa deste Programa, xa que os gañadores recibirán vales de compra para gastar nos comercios e locais hostaleiros do municipio adheridos ao programa. Este concurso repartirá un total de 1.050 euros en vales, divididos en diferentes categorías, para menores de 12 anos e para maiores de 13 anos.
Tódolos establecementos interesados en formalizar a súa adhesión ao Programa poderán facelo en calquera momento, enviando o impreso de adhesión, que se atopa na web municipal, ao enderezo electrónico reservacultura@boiro.gal
