Acepta tres anos de prisión tras ser identificado en Boiro con cocaína

18 Febreiro 2021


Un home, acusado dun delito contra a saúde pública, aceptou unha pena de tres anos de prisión e unha multa de máis de 2.197 euros tras ser identificado en Boiro con tres envoltorios que contiñan cocaína para a súa venda, cuxo valor superaba os 2.000 euros no mercado

As partes chegaron a un acordo que permitiu rebaixar a pena do acusado, drogodependente e que se atopa na actualidade en tratamento para desintoxicación.

Estas circunstancias levaron ao tribunal para permitir a suspensión da pena, polo que o acusado non entrará en prisión a condición de que continúe co citado tratamento ata a súa conclusión, polo menos durante uns cinco anos.

En caso contrario, estudarase impoñerlle a pena de cárcere por uns cinco anos. Así mesmo, terá que asumir o pago dunha multa por 2.197,5 euros, o que supón unha rebaixa dos 5.500 euros iniciais que solicitaba a Fiscalía.

Os feitos rexistráronse ás 09,45 horas do 19 de agosto de 2019. O acusado, maior de idade e con antecedentes penais, achábase durmido no interior dun vehículo na rúa Tenencia en Boiro, momento no que varios axentes da Policía Local e Garda Civil acudiron ata o para identificalo.

Os axentes acharon no cacheo tres envoltorios con varias pedras de cocaína, dun peso total de 35,33 gramos e un valor que ascendía a uns 2.197,50 euros no mercado, que estaba destinada á venda a terceiros.

No momento da detención, o acusado portaba 403,20 euros, procedente da venda de substancias estupefacientes, fraccionados e distribuídos en tres billetes de 50 euros, sete de 20 euros, nove billetes de 10 euros, catro de 5 euros e moedas, así como un móbil con dous números de IMEI.

Por estes feitos solicitábase unha pena de catro anos e unha multa de 5.500 euros, que finalmente foi rebaixada este xoves tras o acordo logrado entre as partes e as circunstancias do acusado.

Outros artigos

O Concello de Boiro impulsa os xogos tradicionais nas parroquias

O Concello de Boiro leva os xogos tradicionais ás parroquias mediante o programa Xogantina para fomentar o os xogos populares e inclusivos. No marco desta actividade vaise desenvolver unha xornada de actividades lúdicas tradicionais destinada aos centros de ensino e...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...