A Policía Nacional detén en Ribeira a un varón por un delito de tráfico de drogas

Axentes da Policía Nacional adscritos á comisaría de Ribeira, procederon á detención dun home de 33 anos de idade, veciño de Ribeira, como presunto autor dun delito contra a saúde pública, na súa modalidade de tráfico de drogas.
No marco dun dispositivo establecido para a prevención do tráfico de drogas na localidade de Ribeira, os axentes participantes no mesmo
procederon á interceptación dun vehículo conducido polo detido, e durante o rexistro ao que foi sometido, foron localizados ocultos en diferentes habitáculos do mesmo, 120 envoltorios termosellados, coñecidos
como papelinas, de cocaína e 48 de heroína .
Intervénselle ademais ao detido un vehículo e un teléfono móbil.
Ao detido cónstanlle antecedentes por feitos similares.
Tras tramitarse as correspondentes dilixencias policiais, o detido foi
posto ao dispor do Xulgado de Instrución número Dous de Ribeira, en funcións de garda.