A Asociación Amicos, con sedes en Ribeira (Oleiros) e Boiro (Comoxo), vai dar acubillo este 2 de febreiro a unha nova xornada intensiva de vacinación, logo da rolda celebrada o luns 12 de xaneiro na que se dispensaron 130 doses á comunidade de traballadores e residentes.
A cita deste martes será ás 11.30 horas no Centro de Atención Integral de Amicos en Boiro. Segundo informa o centro, trátase do subministro da segunda dose contra a coronavirus para usuarias, usuarios e profesionais da asociación. “Con esta nova dose”, engaden, “rematará o proceso de vacinación e conseguirase a inmunidade dentro da asociación”.
