A comunidade de Amicos recibe 130 doses da vacina fronte a COVID-19

A Asociación Amicos, con sedes en Boiro e Ribeira, recibiu este luns 12 de xaneiro, sobre as 10.00 horas da mañá, un total de 130 doses de vacina antiCOVID-19 para seren aplicadas a traballadores e residentes. Nestes momentos prevese que arredor do 90% dos membros da entidade xa participaron na vacinación, que non trouxo ningún efecto secundario.

En total 130 doses foron repartidas entre traballadores e residentes. Soamente rexeitaron as vacinas aquelas persoas que tiñan unhas prescricións médicas como o embarazo. De feito, os residentes manifestaron a súa alegría por frear o virus. Marcelino Romero Vilar sinalou que “estaban un pouco inquietos pero que a partir de agora, xa se pode ir recuperando a normalidade”.

Do mesmo xeito, Xoán España, o director do Grupo Amicos destacou que “a nivel xeral, as vacinas son un gran avance e permiten mellorar a esperanza de vida da poboación”. O director explicou que “confía ao 100% na efectividade das vacinas e que o máis importante é que se lles de prioridade ás persoas con discapacidade”.

En definitiva, a Asociación é moi consciente da importancia destas doses, xa que en abril tiveron 30 persoas afectadas por COVID – 19.