A CIG convoca en Boiro este domingo mobilización por unha saída galega xusta da crise

 Dentro da campaña por unha saída galega xusta da crise que a CIG está a desenvolver dende o mes de outubro, a central nacionalista ten convocada unha xornada de mobilizacións para o vindeiro domingo, día 7 de febreiro, para esixir políticas que permitan encetar unha auténtica recuperación económica e social e camiñar cara a unha situación de emprego, salarios, pensións e condicións de traballo dignas na Galiza. Unha recuperación que non será posíbel sen a derrogación total das reformas laborais de 2010 e 2012 e das reformas das pensións de 2011 e 2013.

As mobilizacións terán carácter expansivo e desenvolveranse en 18 localidades garantíndose en todo momento as medidas de seguridade. O secretario Xeral da CIG, Paulo Carril, participará na mobilización convocada en Vigo.

En Boiro, a mobilización terá lugar ás 12:00h, na Praza do Concello