O Concello de Boiro informou de que aínda hai prazas dispoñíbeis para participar no Plan Integral de Emprego local, o PIE, destinado exclusivamente a mulleres inscritas como demandantes dun posto de traballo. O prazo de inscrición está aberto para as últimas vacantes do plan, segundo confirma o Goberno boirense.
O Plan Integral de Emprego do Concello de Boiro 2020/2021 conta co financiamento por parte da Xunta de Galicia e o Servizo Público de Empleo Estatal para a súa execución. O programa está destinado exclusivamente a 100 mulleres, que van participar en accións formativas para lograr unha saída profesional axeitada ás súas características e obxectivos individuais.
Entre os itinerarios formativos que se ofertan están o de turismo, administración e xestión ou industria alimentaria de produción e envasado. Ademais destes módulos específicos, inclúese formación transversal como complemento da oferta formativa dos diferentes itinerarios e orientada á inserción laboral e mellora das habilidade necesarias para o emprego.
As persoas interesadas en participar neste programa deben acudir á oficina de emprego e solicitar que lle asignen o código 930, ou contactar directamente a través dos enderezos electrónicos orientadorapie@boiro.gal ou prospectorpie@boiro.gal ou teléfonos 659 247 963 ou 950 042 409 para máis información.
