Este venres, 29 de xaneiro, ás 19.00 horas celebrarase na Sala Arcos Moldes do Auditorio de Rianxo a presentación de Aproximacións a Manoel Antonio de Xosé Luís Axeitos. Isto enmárcase no eixo dos Actos Castelao 2021. Doutra banda, realizarase a presentación do suplemento 161 de A Voz de Barbantia, da man de Xosé Luis Veiras, autor plástico do proxecto.
Na apertura e no peche do acto tocarán dous músicos da Escola de Rianxo, Miriam Pardal Figueiro coa súa trompa e Félix Iago Rodríguez Ramos acompañado do seu bombardino. Ademais, acudirán á celebración María Xesús Blanco, vicepresidenta da A. C. Barbantia, Roberto Abuín, Axóuxere Editora e Adolfo Muíños, alcalde de Rianxo.
Todas aquelas persoas que queiran acudir, deberán reservar a entrada de balde ata o 27 de xaneiro a través do correo do Auditorio de Rianxo, auditorio@concelloderianxo.gal.