O grupo do PSdG-PSOE de Ribeira presentou un rogo para ser debatido en pleno relativo á praza da Amarella de Ribeira e á necesidade, sosteñen os socialistas, de dotala cunha zona de estacionamento para persoas con mobilidade reducida. O grupo lembra que a praza conta cunha zona a ampla de aparcamentos en superficie que acolle acotío un bo número de vehículos, sobre todo turismos. Ademais, queda empraza “nunha importante zona de ámbito residencial-comercial, con actividade económica de diversa índole”.
Porén, os socialistas poñen o foco no que consideran unha relevante eiva: a ausencia dun “espazo de estacionamento na vía pública dirixido a persoas con discapacidade, malia que no lugar hai varias que teñen acreditada a súa residencia”. No seu rogo o grupo achega un posíbel emprazamento para a devandita praza, tal e como se pode apreciar na imaxe que acompañamos.
