O ciclo de galas benéficas impulsadas en diferentes recantos da nosa comarca pola banda boirense TheCuncas (dirixidas a recadar fondos que destinar a quen máis sufriu os embates da crise sanitaria) terá que agardar a tempos máis tranquilos e seguros. Así o acordaron finalmente os integrantes do grupo, que emitiron un comunicado no que agradeceron a importante participación acadada (a dunha manchea de empresas que ofreceron doazóns de todo tipo de artigos e servizos, ou que decidiron apoiar a iniciativa economicamente).
Así nolo contan os integrantes de TheCuncas no seu comunicado: “Por mor da progresión da situación epidemiolóxica e seguindo as medidas comúns para toda Galicia propostas polas autoridades sanitarias e a Xunta de Galicia, acordamos aprazar as datas de celebración das galas benéficas programadas, ata que a situación da evolución da pandemia nolo permita”.
As novas datas serán acordadas e debatidas previamente cos catro concellos implicados nas galas, e serán anunciadas nas distintas redes sociais do grupo.
Iso so, a campaña solidaria theSORTEO manterase nos prazos fixados.
Serán en total catro sorteos. Na Cunca 1 participan Entrena Galicia, Aldea Dixital, Jamonería Bacelos, Sport Maniotas, Sportmoda e Sportmodashop.com.
Na Cunca 2 implicáronse Suka Estilistas, Milar Sampedro, POPs Música, Atleet Casais & Foot On Mars e Activa Alfonso Santiago.
Na Cunca 3 están presentes Ángel Mar Cetárea, Libraría “El Cisne”, Señor Balón, Baldani Concept Store, Merktrón Electrónica e Natisan.
Na Cunca 4 implicáronse con vales, produtos e servizos LG Barbería, Café Bar Toffe, Centro Óptico Grela, Pizzería Toscana, Passarela Moda e Perruquería Imperial.
Datas dos sorteos:
Cunca 1: Venres, 5 de marzo do 2021.
Cunca 2: Venres, 12 de marzo do 2021.
Cunca 3: Venres, 19 de marzo do 2021.
Cunca 4: Venres, 26 de marzo do 2021.
