O grupo Ailá actuará o 23 de xaneiro en Rianxo

O grupo de música Ailá actuará o 23 de xaneiro ás 19:00 horas na Sala de Arcos Moldes do Auditorio de Rianxo, co fin de presentar o seu traballo ELO, inspirado nas recolleitas históricas dos cantos de transmisión oral en Galicia. O concerto encádrase dentro das actividades que se realizarán nos Actos Castelao 2021.

A entrada será de balde, con solicitude previa. Por iso é preciso que todos aqueles que queiran participar, envíen un correo electrónico a auditorio@concelloderianxo.gal, do 14 ao 21 de xaneiro de 9.00 a 13.30 horas. Os interesados deberán indicar o seu nome completo e o número de teléfono, ademais de sinalar se as persoas solicitantes son convivintes.