O Campionato Galego de Natación Absoluto realizarase os días 3, 4 e 5 de xaneiro

Este 2021 comeza cunha das grandes probas da natación: o Campionato Galego de Natación Absoluto. Dito acontecemento celebrarase o domingo 3, luns 4 e martes 5 de xaneiro en Pontevedra.

O Club de Natación de Boiro terá representación nesta competición. Dunha banda Noelia Vilarnovo disputará as probas de 100 e 200 Mariposa, co fin de conseguir unha praza no Campionato de España. A nadadora xa sabe o que significa disputar unha final Nacional. Por outro lado, Manuel Pérez competirá nas probas de 50, 100, 200 braza e 200 estilos. Este rapaz tamén ten experiencia a nivel Nacional e actualmente lidera o Ranking Nacional en 50 braza.

A competición xa comezou. Onte e hoxe celebrábanse as competicións femininas, mentres que mañá disputaranse as categorías masculinas.