O BNG de Ribeira esixe que se rematen as obras que levan anos paralizadas. Algunhas delas, segundo informan, “levan máis de 5 anos de atraso”.
Os nacionalistas sinalan que “a parálise do Goberno de Ruiz Rivas é total” e lamentan que haxa obras urxentes que aínda non se realizaron. Este é o caso, din, da estación de autobuses, “xa que se precisan de inmediato das marquesiñas para poder achegar un resgardo contra o mal tempo”. Ademais, o voceiro do BNG, Xosé Vázquez, resaltou que “dende o Bloque pediran que non se demolera a antiga estación ata non ter feita a nova. Sen embargo, o Partido Popular decidiu derrubar a antiga parada sen ter feita a nova”.
As obras paralizadas contaban cun investimento de máis de 1.200.000 euros, explican, engadindo que do devandito “425.000 euros estaban destinados á renovación da estación e 420.000 euros a reparar o edificio da Unidade de Atención de Drogodependentes (UAD)”.
Doutra banda, os nacionalistas tamén destacaron “o abandono que sofren diversas parroquias”. Por exemplo, o centro social de Carreira debería haber sido renovado xa fai 5 anos. Debido á situación, o BNG de Ribeira esixiu executar ditas obras o antes posíbel.
