Máis de 4.600 cidadáns da área sanitaria participan en cribados esta semana

Ao longo desta semana dende luns 25 ata o sábado 30 realizaranse cribados a máis de 4.600 cidadáns de seis concellos da área sanitaria de Santiago e Barbanza.

Mañá xoves 28 farase un cribado a 500 persoas de Dodro que foron seleccionadas aleatoriamente con Idades comprendidas entre os 31 e 50 anos. Tamén Serán citados por SMS e indicaranlle a hora á que deben acudir ao centro de Saúde de Padrón, onde se toman as mostra.

Hoxe, mañá día 28 e o 29 realizarase un cribado a 1.240 cidadáns de Padrón de entre 25 e 50 anos. En primeiro lugar, esta mesma tarde, cribarase a todas as persoas de 25 a 34 anos con médico no Centro de Saúde de Padrón. O xoves e venres a unha mostra aleatoria de cidadáns de Padrón de entre 35 e 50 anos. Estes cribados serán pola tarde no Centro de Saúde de Padrón e citarase a través de SMS.

O venres realizarase cribado a 700 cidadáns de entre 31 e 50 anos de Rois. Tamén escollidos aleatoriamente. Será pola tarde no centro de Saúde de Padrón e serán citados por SMS.

Os cribados realizarannos o persoal de atención primaria de Padrón, Dodro e Rois. En total serán máis de 2.400 citados.