Homenaxe a Valle-Inclán no 85 aniversario do seu pasamento

05 Xaneiro 2021

O conselleiro de Cultura, Román Rodríguez, a tenente de alcalde de Santiago, Mercedes Rosón, e o alcalde da Pobra, Xosé Lois Piñeiro, entre outras/os representantes da cultura e da política galega, participaron este martes 5 de xaneiro na tradicional ofrenda floral a Ramón María del Valle-Inclán que se realizou no Cemiterio de Boisaca con motivo do 85 aniversario do pasamento do escritor.

En presenza de representantes de diferentes institucións culturais e familiares do autor, Román Rodríguez salientou a figura do sobranceiro escritor veciño da Pobra do Caramiñal, un dos máis grandes autores das letras en castelán de todos os tempos, e lembrou a súa traxectoria vital e creativa animando á lectura das súas obras “como un dos mellores xeitos de homenaxealo”.

O tributo foi unha homenaxe dupla, xa que comezou cunha ofrenda floral a Isaac Díaz Pardo, finado tamén un 5 de xaneiro.

Na homenaxe ao dramaturgo, ademais de Concello e Xunta de Galicia, tamén estaba presente un dos seus netos; e distintas representacións dos concellos de Vilanova de Arousa, da Pobra do Caramiñal, do Museo de Valle-Inclán da Pobra e da Asociación Amigos de Valle-Inclán.

Mercedes Rosón rematou a súa intervención sinalando que “seguiremos consolidando ese roteiro compostelán de Don Ramón, e seguiremos facendo cousas en colaboración con outras administracións”.

Outros artigos

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...