Dez traballadores máis da residencia de Ribeira dan positivo en COVID polo que o brote detectado no centro afecta xa 61 internos, 13 empregados e faleceron dous maiores.
A Consellería de Política Social informou que o brote detectado no centro de maiores de Ribeira segue crecendo, debido a que hai dez traballadores máis que deron positivo en coronavirus, polo que xa son 13 empregados e 61 internos contaxiados.
Tal como informamos en O Barbanza houbo que lamentar a morte de dous maiores, de 69 e 87 anos que foran trasladados desde as instalacións ribeirenses ao Cegadi, en Salgueiriños.
O centro ten prazas para 106 persoas e gran parte deles foron enviados a Santiago para poder prestarlles unha maior atención e, ao mesmo tempo, reorganizar o centro de Ribeira concentrando en distintas plantas aos contaxiados para poder illalos e separalos do resto de internos.
