O SERGAS informa a última hora da tarde da morte de dous homes procedentes da residencia de maiores de Ribeira. Trátase dun home de 87 anos e dun home de 69 anos. Os dous faleceron na residencia integrada CEGADI, procedentes da residencia de maiores de Ribeira.
A maiores morreron no CHUS outras seis persoas. Dous homes de 89 anos, dúas mulleres de 89 anos, unha muller de 87 anos e un home de 65 anos.
En Galicia faleceron hoxe en total 12 persoas pola COVID.
—
A residencia de Ribeira suma 44 casos máis e xa son 63 internos e tres traballadores contaxiados.
Máis da metade dos internos da residencia de maiores de Ribeira están contaxiados pola covid-19. O cribado realizado nas instalacións descubriu 44 novos casos, polo que a cifra total de maiores con covid elévase a 63, aos que hai que sumar os tres traballadores que tamén están infectados.
Todos presentan síntomas leves e moitos, tal como informamos en O Barbanza, foron trasladados ao Centro Galego de Desenvolvemento Integral ( Cegadi) en Salgueiriños en Santiago para prestarlles mellor atención, ao mesmo tempo que se reorganizan as habitacións do xeriátrico ribeirense para poder ter illados correctamente ao resto de enfermos.