O Concello de Boiro, debido á situación de restricións decretadas para o
control da situación epidemiolóxica, modifica o horario de apertura do
aparcamento municipal da Praza de Galicia. As instalacións estarán abertas,
de xeito ininterrompido de 7.00 a 21.00 horas, pero entre as 15.00 e as 21.00
horas será gratuíto a partir do luns.
O aparcamento funcionará con normalidade pola mañá e estará aberto
dende as 7.00 horas para dar servizo ás persoas traballadoras do Mercado
Municipal e que fan uso das instalacións. A partir das 15.00 horas as barreiras
do aparcamento estarán abertas e o servizo será gratuíto ata as 21.00 horas,
para dar servizo ás persoas que mercan en supermercados e outros
establecementos abertos da contorna.
A situación excepcional durará mentres se prolongue esta situación de
medidas de prevención específicas como consecuencia da situación
epidemiolóxica en Galicia, que limita o horario de apertura dos comercios ás
18.00 horas.
O aparcamento de A Boqueira de A Negral manterá o mesmo horario
que tiña ata o de agora, aberto de xeito ininterrompido e gratuíto entre as 10.00
e as 20.30 horas.
Correos celebra o Día do Libro en Boiro e Ribeira con venda nas oficinas e a través de internet
Correos conta con venda directa de libros nas oficinas de Boiro e Ribeira. A compañía postal únese á próxima celebración do Día do Libro lembrando aos cidadáns que acoden ás súas oficinas, que contan con publicacións de temáticas variadas, desde a infantil, ata...