Carmen Avendaño, Eduardo Rubianes, Ramiro Garaboa, Felipe Suárez, Manuel Couceiro, Baltasar Garzón, Vázquez Taín, son algunhas das persoas valentes e comprometidas que deron a cara, cando a maioría miraba para outro lado, para tratar de evitar que a Ría de Arousa continuase sendo un
paraíso para os narcotraficantes que actuaban con total impunidade, a través de redes mafiosas e cun enorme poder de corrupción sobre algúns servidores públicos, como políticos, policías, gardas civís, aduaneiros, etc. .
Tristemente, na actualidade, España é dos países europeos onde máis droga véndese e consómese, por iso é bo lembrar e agradecer a todos eses heroes e heroínas, algúns desde o anonimato, que loitaron desde os anos oitenta, contra as devastadoras consecuencias do tráfico de drogas na nosa sociedade. Desde as Asociacións de Arousa, como *Érguete, Albatros, Renacer e tantas outras; desde os medios de comunicación, liderados polo xornalista e escritor Felipe Suárez; desde a Iglesia, capitaneada polo sacerdote Manuel Couceiro ou desde a xudicatura, con xuíces como Garzón e Taín, foron capaces de levar aos despachos oficiais a triste realidade que se estaba vivindo na Ría de Arousa.
Foron moitos os desgustos, os temores, as presións, extorsións e ameazadas de morte que padeceron todos estes valentes por querer cambiar o presente e poder garantir o futuro dos nosos fillos, nunha sociedade de libre drogas e das redes mafiosas que limitaban a liberdade e favorecían o imperio
do terror.