A Consellería da Sanidade realizou esta semana probas ás persoas traballadoras do Concello da Pobra do Caramiñal e a voluntario/as da Protección Civil. En total efectuáronse 114 probas no Hospital da Barbanza, dándolle continuidade á realización de cribaxes nas actividades profesionais con atención directa ao público.
Ademais son outras 304 as persoas pertencentes a comercios, asesorías, autoescolas, academias, salóns de peiteados ou ximnasio, as que se someteron á toma de mostras dende que se iniciou o proceso a mediados de xaneiro.
