A segunda dose da vacina chegou este xoves á Residencia de Maiores da Pobra

Este xoves 21 de xaneiro estase levando a cabo a vacinación contra a COVID-19 das usuarias e usuarios da Residencia de Maiores da Pobra, ao abeiro do dispositivo para achegar a segunda dose a este colectivo, considerado prioritario en materia de vacinación.

Esta segunda rolda deu comezo esta mesma semana en Santiago da man da Consellería de Política Social que dirixe a ribeirense Fabiola García, coa aplicación da vacina complementaria á primeira galega en recibir a dose de entrada.