A Deputación da Coruña adxudicou a licitación das obras de remate da ampliación da nova ponte sobre o rego Pesqueira da DP-4202 de Aldea Grande ao Couto, en Lousame. Os traballos quedaran paralizados pola quebra da anterior empresa adxudicataria.
A ponte sobre o rego Pesqueira será ampliada de 5 a 12 metros co fin de ofrecer un itinerario peonil seguro para os veciños, e mellorar a conexión entre Aldea Grande e o Couto. O traxecto, que obrigaba aso viandantes a circular polo borde da calzada, tamén disporá de beirarrúas de 2,25 metros de ancho, para garantir a seguridade dos peóns.
O investimento, que ascende a 181.881,87 euros, incluirá a execución de dous carrís de 3,5 metros para a circulación de vehículos. Así, debido a que xa se demoleu a anterior ponte, o tráfico está actualmente cortado neste tramo, polo que se deriva ás pistas forestais existente.
