Continuando os traballos de optimización e acondicionamento das dependencias deportivas do termo municipal ao longo deste segundo semestre, o Concello da Pobra do Caramiñal, a través da Concellería de Deportes, vén de equipar con novas persianas de seguridade a cantina do Estadio da Alta.
O obxectivo, neste caso concreto, foi ofrecer aos usuarios da cantina e do estadio un mellor servizo e unhas mellores condicións para o desenvolvemento da actividade deportiva e de lecer.
A actuación foi executada por Cerrajería Paz García S.L. e supuxo un investimento de 3.400 euros.
