O Club Remo Puebla regala ao Concello un maillot asinado polos remeiros

Os éxitos acadados polo Club Remo Puebla estarán presentes no Consistorio da Pobra do Caramiñal, logo de que o equipo agasallara ao Concello o maillot de campión da Liga Galega de Traiñeiras Liga B 2020 asinado polos 21 remeiros que forman o grupo.

Ademais, os seis maillots acadados neste ano están sendo repartidos entre as empresas patrocinadoras, e outorgando un á Administración local polo apoio amosado á entidade deportiva.

A entrega do agasallo foi da man de Adrián González, remeiro e directivo do club, nun acto ao que asistiron membros da corporación municipal, entre eles, o alcalde, Xosé Lois Piñeiro e a concelleira dos Deportes, Genoveva Hermo.