A deputada do Bloque Nacionalista Galego, Rosana Pérez, presentou mediante unha rolda de prensa as emendas aos orzamentos da Xunta destinadas á comarca de Muros e Noia, que serán discutidas a partir do vindeiro 11 de xaneiro.
A deputada tratou diversos eidos que afectan á comarca, comezando pola necesidade de aumentar o gasto na mellora da rede de saneamento no municipio de Outes e da Xunqueira de San Lázaro en Noia. O investimento suporía un total de 25 millóns de euros, aos que hai que sumar un millón máis para a rexeneración dos bancos marisqueiros da ría de Muros e Noia.
Doutra banda, Pérez destacou a importancia do sector do mar, ao que mostrarían seu apoio cunha axuda de 6 millóns de euros para un Plan Urxente de Recuperación do sector marisqueiro de baixura, así como unha mellora do funcionamento do Intecmar. Ademais, pretenden actuar na captación de auga no río Beba, en Mazaricos, e acondicionamento dos vestiarios do marisqueo a pé da zona Testal en Noia.
Por outra parte, Rosana Pérez presentou unhas medidas para a mellora da seguridade viaria e outros traballos destinados a diferentes zonas de Muros e Noia, como a conservación das pontes fronteirizas entre Noia e Outes ou a remodelación da Praza de Abastos.
Por último, a deputada non quixo esquecerse do eido educativo, que considera de vital importancia a mellora da rede pública comarcal, e proxectar as escolas infantís tanto de Outes como en Noia, que incluiría a construción dun comedor escolar no CEIP Rodríguez Cadarso. Rosana Pérez, para finalizar, quixo reclamar uns plan de saída da crise da COVID-19 da sociedade galega.