Novo atropelo, esta vez no termo municipal coruñés de Boiro que deixou unha persoa ferida na tarde de hoxe.
Segundo a información facilitada polos equipos de intervención que acudiron ao lugar do accidente, os servizos sanitarios tiveron que evacuala ao Hospital do Barbanza.
O sinistro produciuse ás 18:30 horas na Avenida de Barraña. Foi o propio condutor do vehículo quen chamou ao 112 Galicia para solicitar axuda. De inmediato, os xestores do 112 puxeron os feitos en coñecemento dos profesionais de Urxencias Sanitarias de Galicia-061, dos Bombeiros de Boiro, da Policía Local e dos membros de Protección Civil da localidade.
