Comezan a baixar en Boiro as cifras de casos positivos e a incidencia acumulada

21 Decembro 2020

O Concello de Boiro celebrou este luns a sesión semanal da Comisión de Seguimento da Evolución da COVID-19. Na xuntanza participaron o alcalde, a coordinadora de Servizos Sociais, o coordinador de Protección Civil e o xefe accidental da Policía Local. Entre outros asuntos tratouse a progresiva diminución, esta semana, do número de casos positivos e da incidencia acumulada, logo dos cribados realizados hai 14 días e da entrada en vigor das restricións máximas.

“Este descenso de casos estaba dentro do agardado, é algo moi positivo porque indica que as medidas aplicadas están facendo efecto”, afirmou o rexedor, José Ramón Romero, engadindo que “aínda resta moito por facer para seguir reducindo a curva de contaxios e que poidamos saír do nivel de máximas restricións”. O alcalde tamén fixo un chamamento á poboación: “Quero pedir a toda a cidadanía moita responsabilidade durante o Nadal para saír canto antes desta situación”. Asemade, lembrou que o municipio ten un índice de incidencia acumulado superior a mil, “e debe estar por debaixo de 100 para que se suavicen as restricións”.

En canto ao control e vixilancia da poboación, a Policía Local continúa a facer controis puntuais de entrada e saída do municipio, así como de control xeral das restricións. Na última semana impuxéronse un total de 12 sancións. 5 delas polo uso indebido de máscara, 1 por fumar na rúa sen manter a distancia de seguridade, 5 por incumprir o peche perimetral e 1 por incumprir o confinamento por contacto cun positivo. O número de denuncias efectuadas pola Policía Local dende que se decretou o nivel máximo de restricións ascende a 33.

A Comisión tamén recordou que as actividades culturais e deportivas organizadas polo Concello seguen “aprazadas até novo aviso,” a expensas de como continúe a evolución da situación sanitaria. Tamén as instalacións deportivas, pistas ao aire libre e parques infantís de titularidade municipal estarán pechados “até novo aviso”.

Outros artigos

Boiro supera a media galega en doazóns de sangue

A Axencia Galega de Doazón de Órganos e Sangue (ADOS) está a desenvolver unha campaña especial para fomentar as doazóns durante o presente verán e, no marco desta campaña, a unidade móbil estará en Boiro os días 17, 18 e 19 de xullo. O alcalde, José Ramón Romero, e o...

+

Incendio nunha finca urbana no Concello de Boiro

Os bombeiros do parque Provincial de Boiro acudiron onte a unha chamada, sobre as 19:15 h, alertados  polo incendio nunha finca urbana preto de vivendas, na avenida de Compostela, no Concello de Boiro.   Á súa chegada ao lugar, os bombeiros provinciais controlaron o...

+

Este sábado 12 comezan as Festas do Carme de Cabo de Cruz

Esta fin de semana e boa parte da semana que vén celébranse en Cabo de Cruz (Boiro) as Festas do Carme edición 2025, unhas celebracións na honra da patroa da xente do mar, a Virxe do Carme, que xunta actividades relixiosas, culturais e festeiras e que este ano vén cun...

+

Publicidade

Castiñeiras

Revista en papel

Opinión

“Odio e fascismo” – José Manuel Pena

“Odio e fascismo” – José Manuel Pena

En numerosos pobos e cidades de España e Europa están orgullosos da presenza de familias de inmigrantes, procedentes de países onde non teñen ningún tipo de oportunidade de poder vivir decentemente. Persoas e familias que chegan en busca dunha oportunidade de...

“Carta á alcaldesa de Santiago”.  José Luís Calo

“Carta á alcaldesa de Santiago”. José Luís Calo

Estimada Alcaldesa de Santiago de Compostela: Goretti Sanmartín Rei.Escríbolle en relación coa polémica da concesión á Princesa Leonor de Borbón eOrtiz da Medalla de Galicia, na que vostede se botou atrás e renunciou a representará cidade de Santiago. Un cargo público...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.