O Nadal prosegue en Rianxo aínda que poñendo o foco nas novas ferramentas da información, garantindo a seguridade sanitaria e, tamén, a comunicación con algúns dos grandes protagonistas destas festas, por exemplo os Reis Magos de Oriente. Nesta liña, a Asociación Rianxeira de Empresarios (ARE), coa colaboración do Concello de Rianxo, vai facilitar a posibilidade de que as crianzas do concello poidan falar coas Súas Maxestades este Nadal desde as súas casas.
Para que os Reis poidan establecer comunicación coas nenas e nenos de Rianxo, as familias deberán rexistrar unha data concreta e as Súas Maxestades poranse en contacto con elas a través de vídeo-chamada no día e na hora previamente reservados. As inscricións poden facerse a través de Nadal2020.es. O prazo remata este martes 29 de decembro. Achégase un vídeo promocional sobre a iniciativa.
