O litoral da Coruña e Lugo estará este venres en alerta laranxa por temporal costeiro. Un temporal costeiro deixará ao litoral das provincias da Coruña e Lugo en alerta laranxa a partir de última hora da tarde deste venres.
O fenómeno meteorolóxico dará comezo pola tarde no noroeste e oeste da provincia da Coruña e na Mariña lucense, por mar combinado do noroeste con ondas de entre 5 e 7 metros.
A Dirección Xeral de Emerxencias e Interior informou da situación aos municipios das zonas afectadas así como ás Deputacións, servizos e agrupacións de Protección Civil, entre outras.
