Este primeiro de decembro o alcalde de Noia, Santiago Freire Abeijón, e parte do equipo de Goberno local acompañaron á conselleira do Mar, Rosa Quintana, e á presidenta de Portos, Susana Lenguas, nunha visita ao Porto e á Lonxa de Testal, co fin de comprobar in situ as necesidades das e dos traballadores destas instalacións e avanzar detalles sobre as vindeiras obras previstas nelas, concretamente a reforma dos peiraos flotantes (pantaláns) e os fingers que beneficiará, segundo explicaron, a máis de 260 embarcacións pesqueiras.
A Consellería do Mar, a través de Portos de Galicia, licita esta actuación por un orzamento de 450.000 euros. Os traballos incluirán a renovación integral de pavimentos, o fornecemento de servizos básicos e o sistema de apertura de portas co teléfono móbil. O prazo para a execución da obra é de catro meses.
