A actual situación sanitaria dos tres concellos do Barbanza indica que a situación de confinamento continuará ata a segunda semana de xaneiro e sempre segundo a evolución dos positivos. Así Boiro baixa a 185 casos, Ribeira tamén baixa a 108 mentres que Rianxo subiu en seis casos situándose en 47 o que fai que os concellos teñan un índice moi elevado por número de habitantes.
Por outra banda en Galicia Sanidade informa da morte doutras seis persoas diagnosticadas con covid-19 o que eleva o número de vítimas da pandemia en Galicia ata as 1.369, segundo os datos ofrecidos pola Consellería na tarde deste sábado.
Tres dos falecidos atopábanse en hospitais de Vigo, dous en Santiago e a restante, unha muller de 70 anos, no Hospital da Mariña da área sanitaria de Lugo.
Pola súa banda, os dous falecidos no CHUS de Santiago foron unha muller de 94 anos e un home de 88 este veciño de Ribeira.
Todos eles presentaban patoloxías previas, segundo confirmou a Consellería de Sanidade.
