A incidencia acumulada de máis de 350 casos nos últimos 14 días, causa do peche de Boiro


A incidencia acumulada a 14 días de 366 casos resultou clave para que o comité de expertos da Consellería de Sanidade acordase pechar perimetral desde este sábado o municipio de Boiro , onde se elevan as restricións ao máximo nivel pola evolución negativa da pandemia.

Así figura na orde publicada na noite do venres no Diario Oficial de Galicia (DOG) e que establece o paso ás restricións severas no Concello de Boiro.

Sanidade apoia a súa decisión nos informes negativos da Dirección Xeral de Saúde pública sobre a evolución da pandemia en Boiro, onde a maior taxa de positividade está a darse na franxa de idade que vai dos 35 aos 39 anos.

Así as cousas presenta unha incidencia acumulada durante 14 días de 366,6 casos, ademais de rexistrar máis de 10 positivos durante os tres últimos días. Sanidade acorda elevar as restricións nesta localidade, medida que é efectiva xa desde a madrugada do sábado.