A Fieiteira será ampliada cun novo edificio cuberto destinado á atletismo e deportes de combate

12 Decembro 2020

CONCELLO DE RIBEIRA E XUNTA DE GALICIA ASINARÁN UN
CONVENIO PARA FINANCIAR AS OBRAS,QUE SE PREVÉ
POIDAN COMEZAR NO VERÁN DE 2021

Unha nova edificación de dúas plantas destinada á práctica de atletismo e
deportes de combate vai engrosar as instalacións doComplexo
Polideportivo da Fieiteira o ano que vén. Así o adiantou o alcalde
Manuel Ruiz na noite pasada no transcurso do acto de entrega das
becas do Concello a 25 deportistas de Ribeira, celebrado no auditorio
municipal.
O inmoble –que aínda que independente estará conectado interiormente co complexo existente pola parte da piscina– disporá de 1.902 metros cadrados, dos cales 1.478 estarán en planta baixa e 424 no primeiro andar: unha superficie que permitirá a práctica homologada de distintas especialidades atléticas como probas de velocidade, lanzamentos de peso ou saltos –unha disciplina esta última na que Ribeira é un referente grazas a Ana Peleteiro–, ademais de dispor de ximnasio, dous vestiarios, unha aula e tres tatamis, entre outros equipamentos. A zona de aparcamentos
afectada será reaxustada para poder conservar un número de prazas
de estacionamento semellante ao actual.
O orzamento de execución material ascende a 625.000 euros, que se
financiarán mediante un convenio que está previsto firmar entre o
Concello de Ribeira e a Secretaría Xeral para o Deporte da Xunta. A
intención é sacar a obra a licitación a principios do ano que vén e que
a construción do novo inmoble poida iniciarse no entornodo verán.
Deste xeito, o Complexo da Fieiteira verá incrementada unha vez máis as súas prestacións logo de que este mesmo mes se veña de poñer en marcha un circuíto de pumptrack para ciclistas e patinadores.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...

“A forza da gratitude”. Luís Celeiro

“A forza da gratitude”. Luís Celeiro

Daquela, hai algo máis de cincuenta anos, algúns dos aldeáns e aldeás das aldeas de Lugochegaban ao Instituto para abrir as portas do futuro, pechadas a cal e canto para os fillos daMariña, para os das montañas da Fonsagrada, dos Ancares, do Courel e da Lóuzara...