A área sanitaria de Santiago e Barbanza experimentou un novo repunte. Con 21 positivos máis, a área ten actualmente 1.216 casos activos de COVID-19 e crece tamén a presión hospitalaria e a cifra de pacientes ingresados elévase ata 73, sete máis que na xornada anterior.
Sanidade informa da morte este domingo dunha muller de 96 anos no CHUS que fora diagnosticada de infección por coronavirus.
Presentaba patoloxías previas.
O hospital de Barbanza segue estando libre da Covid, na HM A Rosaleda hai unha persoa internada e no Clínico hai 72, cinco delas na unidade de coidados críticos. Os casos máis graves diminúen e na uci hai un enfermo menos. Na área sanitaria sube a 177 o número de vítimas mortais.
En Galicia a Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 5.609, deles 887 son da área da Coruña, 371 da de Lugo, 470 da de Ourense, 936 da de Pontevedra, 1.243 da área de Vigo, 1.216 da de Santiago e 486 da de Ferrol.
Do total de pacientes positivos, 53 están en UCI, 293 en unidades de hospitalización e 5.263 no domicilio. Polo de agora, en Galicia hai un total de 52.125 persoas curadas, rexistrándose 1.338 falecementos.
O número de PCR realizadas é de 1.038.999.