Un total de 11 novos casos positivos foron detectados ata o momento no cribado da covid-19 realizado a fin de semana en empresas da Pobra do Caramiñal, Boiro e Ribeira.
A área sanitaria de Santiago-Barbanza informa que as probas foron realizadas ao longo da fin de semana no Hospital do Barbanza para a detección de casos asintomáticos.
En concreto, participaron un total de 4.568 persoas do total de 5.327 citadas o que sitúa a porcentaxe de participación no 85,75%.
Sanidade informa por outra banda que Galicia rexistra catro falecidos máis con coronavirus e alcanza un total de 1.323 vítimas
A Consellería de Sanidade comunicou este martes catro falecidos máis con coronavirus –todos con patoloxías previas–, de forma que o total de mortes en Galicia desde o inicio da pandemia elévase a 1.323.
Esta cifra de falecidos supón a menor notificada en Galicia desde o pasado sábado –xornada con tres óbitos–. Hai un descenso respecto ao domingo –seis vítimas– e luns –sete–.