O 28 de novembro Rianxo acollerá a representación de Nanda na encrucillada, un espectáculo de Teatro do Improvisto. Será ás 19.00 horas na Sala Arcos Moldes do Auditorio, sendo necesario (por mor das prazas limitadas) formalizar a reserva a través de auditorio@concelloderianxo.gal ou ben no teléfono 664 183 217, do 20 ao 26 de novembro de 9.00 a 13.30 horas en días laborais. Trátase dunha peza destinada ao público familiar, preferentemente para crianzas a partir dos oito anos.
Respecto do argumento, o espectáculo tan a Nanda como protagonista, que, farta de todo o que a rodea, decide emprender unha viaxe sen rumbo, cargada cunha maleta que pesa menos que todos os seus conflitos internos. “A obra é unha crítica aos pretextos establecidos; unha forma de ver máis alá do camiño que supostamente debemos seguir”, explican dende Teatro do Improvisto.