A compañía Señora Supina subirá as táboas do Teatro Elma, en A Pobra, para representar a peza Cinco Mulleres comen tortilla. O espectáculo está organizado pola Concellería de Cultura da Pobra do Caramiñal, en colaboración coa Rede Cultural da Deputación da Coruña, e comezará ás 19.00 horas do próximo domingo, 29 de novembro. A obra está destinada a persoas maiores de 16 anos e precisará que os espectadores sexan activos e colaboren.
Cinco Mulleres que comen tortilla trasladará ao público á América de 1956, coa Sociedade de Susan B. Anthony das Irmás de Gertrude Stein, que celebraban o seu concurso anual de tortillas. A comedia renderá culto ao ovo e as actrices reafirmarán que comer tortilla é o mellor que teñen na súa vida. Con todo, esta peza pretende reivindicar os valores LGTBI das mulleres homosexuais a partir do humor. É por iso que están moi presentes nela, facultades e dereitos como a liberdade, a relixión, o feminismo ou as moralidades.
A obra teatral está dirixida por Javier Lojo, mentres que a escenografía ven da man de Vanesa Regengo. Doutra banda, o elenco está composto por Nola Drake, Laura Quintas, Alba Outeda, Gabi Modesto e Raquel Ferraz.
Todas as persoas que queiran asistir deben formalizar a súa reserva na Casa da Cultura e Xuventude Raquel Fernández Soler ou a través do seguinte número de teléfono: 981831545.
