Ribeira intensifica as medidas anticovid clausurando parques infantís e pistas deportivas ao aire libre

20 Novembro 2020

O alcalde de Ribeira Manuel Ruiz ofreceu este mediodía unha rolda de prensa de para anunciar novas medidas tomadas de urxencia para tratar de
evitar a propagación da pandemia no municipio ante o aumento de contaxios rexistrados nos últimos dez días. Entre elas, o peche con carácter inmediato de parques infantís e biosaudables e as pistas multideporte ao aire libre.

O Alcalde de Ribeira trala comparecencia explicando as novas medidas anti COVID

“Creo que nestes momentos Ribeira empeza a entrar no umbral do que poderíamos considerar preocupante”, declarou o alcalde, quen aludiu ás negativas consecuencias que para á economía local e en especial para o comercio e a hostalería do municipio entrañaría un posible peche perimetral nestas datas.
Para tratar de frear esta ameaza, ademais de precintar parques e pistas prolónganse como mínimo ata o 30 de novembro as restricións adoptadas a semana pasada: suspensión de actividades municipais (cursos, eventos, ensaios, funcións teatrais, etc.) e peche de instalacións deportivas.
Así mesmo, potenciarase o teletraballo entre o persoal do Concello e
amplíanse as reunións telemáticas que xa se están celebrando nas xuntas de goberno a outras reunións periódicoas como as de coordinación (tamén vai propoñer aos grupos que o próximo pleno sexa telemático) . Desinfeccións
No que se refire ás desinfeccións que diariamente se están facendo en marquesinas, parques e no entorno do hospital, dos centros de saúde e das residencias de maiores, vanse ampliar estes labores a dependencias municipais e vías públicas.
“O que se pretende con estas medidas é actuar no ámbito que é competencia do Concello —sinalou o alcalde—, pero sobre todo que a xente se dea conta de que estamos nun momento crucial que depende do noso comportamento cívico”.
Neste senso, apelou a que a veciñanza adopte as máximas precaucións posibles na súaa vida diaria e así foi comunicado dende o goberno aos responsables da asociación de empresarios e do colectivo de hostaleiros.

Outros artigos

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...