O obradoiro internacional de tradución poética dá o chimpo á Rede

26 Novembro 2020

A novena edición do Obradoiro Internacional de Tradución Poética Con barqueira e remador vaise celebrar online, en formato “totalmente en liña” e baixo a dirección da poeta Yolanda Castaño. A actividade, que se presentou onte nos seus detalles, comezará o 30 de novembro e estenderase no tempo unha semana. Desenvolverase na plataforma Webex e emitirase dende o espazo propio que ten en Youtube a Consellería de Cultura. Incluirá un recital en streaming o 3 de decembro ás 17.00 horas.

Na rolda de prensa de presentación participou o secretario de Cultura, Anxo M. Lorenzo, que salientou o feito da continuidade do obradoiro mesmo no contexto de pandemia: “Agora é máis importante ca nunca tender pontes e crear puntos de encontro para a reflexión e a creación literaria”. Tamén destacou o “importante papel da cultura durante o confinamento” e as posibilidades que abriron as ferramentas dixitais para manter acesa a chama da creatividade, o diálogo e o coñecemento.

O obradoiro, como lembraremos, víñase celebrando nas anteriores edicións na Illa de San Simón. Nesta novena edición participarán poetas en seis linguas, en concreto Lara Dopazo (galego), Laia Malo (catalán), Grazyna Wojcieszko (polaco), Laura Accerboni (italiano), Zhou Zan (chinés) e Barbara Pogačnik (esloveno).

Outros artigos

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...

+

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...

+

Publicidade

Revista en papel

Opinión