O novo delegado da Xunta na Coruña coñece de primeira man o proxecto intelixente de CONGALSA

11 Novembro 2020

O novo delegado territorial da Xunta de Galicia na Coruña, Gonzalo Trenor, visitou na mañá deste mércores 11 de novembro as instalacións de CONGALSA na Pobra do Caramiñal, onde foi recibido á súa chegada polo director xeral da compañía, Luis Miguel Simarro, e a directora de Relacións Externas, Isabel Cañas. Durante a súa estadía na sede de CONGALSA, Trenor tivo oportunidade de coñecer detalles do proxecto de fábrica intelixente da empresa, denominado CONGALS4.0, que está a día de hoxe en execución e que ten o remate previsto para 2022.

O proxecto, como lembraremos, ten a súa orixe na selección da empresa pobrense para formar parte da terceira edición do Programa Fábrica Intelixente da Xunta de Galicia, cuxo obxectivo é favorecer o avance do tecido industrial galego cara a modelos máis eficientes, sustentábeis, innovadores, mellor xestionados e intelixentes. A compañía desenvolve CONGALS4.0 en colaboración co Centro Tecnolóxico de Telecomunicacións de Galicia (Gradiant), ao abeiro dunha convocatoria subvencionada e impulsada pola Axencia Galega de Innovación, GAIN, e co-financiada con cargo a fondos europeos FEDER.

Durante a visita do delegado, o director xeral da compañía, Luis Miguel Simarro, aproveitou para pór en valor que o proxecto CONGALS4.0 axudará á empresa “a ser un dos tractores do cambio no sector alimentario galego”, promovendo o desenvolvemento “dun modelo fabril intelixente e hiperconectado”.

Outros artigos

Ambar organizou unhas Xornadas de Formación Xurídica

A Asociación Ambar das Persoas con Diversidade Funcional, con sede principal en Frións (Ribeira) organizou unhas Xornadas deFormación Xurídica abertas á comunidade, ás que tamén asistiron familiares de persoas usuarias do centro e profesionais de Ambar. A actividade...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....