A próxima fin de semana o Concello de Boiro ofrecerá dúas actividades culturais e de ocio na Casa da Cultura. O venres 20, representarase unha peza teatral destinada a un público maior de 12 anos. O espectáculo chámase Cranios Privilexiados e é unha realización teatral de Producións Excéntricas e Mofa e Befa que ten previsto o comezo ás 21:00 horas. As persoas que queiran acudir, deberán conseguir as súas entradas na Casa da Cultura, o mesmo día da representación, a partir das 17:00 horas.
Doutra banda, o sábado 21, celébrase un concerto da Banda de Música de Boiro no mesmo emprazamento. O aforo está limitado e as entradas poderanse reservar en reservacultura@boiro.gal. O concerto pretende facer unha homenaxe ao mestre Xosé R. España Lorenzo e será dado ás 19:00 horas.
