O Concello de Boiro, da man da Concellería de Política Social e Igualdade, levará a cabo varias actividades formativas para a promoción e difusión do 25 – N, Día Contra a Violencia de Xénero. Como actividades previstas poden citarse a mesa informativa de AgresiónOFF e a lectura do manifesto, este ano vía Internet, xa que se difundirá a través das redes sociais do Concello.
O stand de AgresiónOFF colocarase o próximo martes, 24 de novembro, na praza do Concello, entre as 11:00 e as 17:00 horas. Todas as persoas que se acheguen, poderán participar nos diferentes obradoiros propostos e noutras actividades lúdico – formativas de diversos temas (estereotipos, comportamento de parellas…).
Doutra banda, o Goberno local participará na campaña da Deputación Provincial da Coruña, chamada De Fronte á Violencia de Xénero. Así, poderá conmemorar o 25 – N e difundir contidos a través das redes sociais do Concello. Sen embargo, este non é o único proxecto no que colaborará. O Concello de Boiro tamén intervirá na campaña En Negro Contra as Violencias, co obxectivo de sensibilizar á sociedade fronte as violencias machistas.
