Imaxe cedida polo Noia Portus Apostoli FS
O Noia FS enfrontarase ó Santiago FS nun derbi correspondente á sexta xornada da Segunda División. O conxunto de Marlon Velasco recibirá a visita dos santiagueses, nun encontro que servirá para poñer a proba a ambos equipos. Os noieses tentarán seguir coa boa dinámica, e o Santiago FS procurará romper a súa mala racha.
Será o segundo derbi galego entre ámbolos dous equipos, xa que houbo un enfrontamento anterior na Copa Galicia, que rematou con empate a 0, logo de ser moi superior o Noia FS. O actual líder da competición buscará a súa sexta vitoria consecutiva para manterse no posto máis alto da clasificación, pola contra, o JERUBEX Santiago FS presentarase ó enfrontamento coa intención de atopar a primeira vitoria na Segunda División. O equipo santiagués tan só puido disputar un encontro da competición doméstica, con derrota final contra o Móstoles (1-3).
O partido terá lugar no Augustín Mourís, que acollerá a un máximo de 60 persoas a partir das 18:30 horas. O encontro, ademais, será emitido en streaming a través da canle de Youtube do Noia Portus Apostoli.
