Lousame mellora as estradas e camiños en Ces, Cruído e no monte da Revolta do Lobo

19 Novembro 2020

Dende o Concello de Lousame veñen de informar do investimento de 50.496,31 euros de fondos propios na realización de tres proxectos de mellora en Ces, Cruído e Escabia. O Goberno local engade que a obra máis salientábel foi a da curva no monte Revolta do Lobo, na Escabia, na que se investiron 30.464,92 euros. Respecto destes traballos en concreto, a alcaldesa de Lousame, Teresa Villaverde, explica que “era unha actuación moi necesaria xa que se trataba dunha curva bastante perigosa para os peóns e que conseguimos eliminar con esta ampliación”.

Cómpre sinalar que as ditas obras incluíron a mellora do pavimento da curva nun treito de 60 metros no que se ampliou o ancho en dous metros cun triplo tratamento asfáltico. Asemade, construíuse un muro de bloques de granito, de 20 metros de lonxitude e 4 metros de alto, para contención de terras así como unha cuneta revestida de formigón ao longo deses 60 metros de traxecto, cunha arqueta e entubado para a recollida de augas pluviais.

En canto á aldea de Ces, o Concello de Lousame achegou 13.699,61 euros á reparación de dous treitos dun camiño interior: o primeiro de 115 metros de longo por 4,5 metros de ancho e o segundo de 60 metros de lonxitude e 4 metros de ancho. Nos dous proxectos empregáronse cinco centímetros de xabre (zahorra) e quince de formigón, previa nivelación do pavimento existente.

Por último, o Concello de Lousame investiu 6.331,78 euros no afirmado do camiño do Lagar, en Cruído. “Trátase dun camiño que dá acceso ás novas vivendas que se construíron na zona e que tiñan unha parte aínda sen pavimentar”, explica Teresa Villaverde. As obras incluíron o afirmado deses 240 metros de camiño, de 4,5 metros de ancho, con vinte centímetros de xabre (zahorra) e posterior selado con cinco milímetros de area. Alén disto, limpáronse as gabias e salvagabias para unha axeitada drenaxe da chuvia.

Outros artigos

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...